काल पुण्यातील सीरम इन्स्टिट्यूटमध्ये ( serum institute ) आग लागली. या आगीत ५ जणांचा मृत्यू झाला आहे. मृतांच्या नातेवाईकांना सीरम इन्स्टिट्यूट तर्फे प्रत्येकी २५ लाख रुपयांची मदत जाहीर केली आहे.
           देशात सध्या करोनावरील लसीकरण मोहीम सुरू आहे. यात सीरम इन्स्टिट्यूची कोविशिल्ड लस पण वापरली जात आहे. भारताच्या या लसीला अनेक देशांतून मागणी आहे. हि लस प्रभावी आहे आणि तिचे साइड इफेक्टही फारसे नाहीत. यामुळे अनेक देशांनी या लसीची मागणी केली आहे.
           या आगीच्या घटनेची दखल महाराष्ट्र सरकारसह पंतप्रधान मोदींनी देखील घेतली आहे. हि अतिशय दुर्दैवी घटना असल्याचं पंतप्रधान मोदी यांनी ट्विट करून म्हंटले आहे.

           सीरम इन्स्टिट्यूटला लागलेली आग ही अनपेक्षित घटना आहे. ही घटना दुर्दैवी आहे. या घटनेत मृत्यू झालेल्या नागरिकांच्या कुटुंबांबद्दल संवेदना व्यक्त करतो. तसंच या घटनेत जखमी झालेल्यांची प्रकृती लवकर बरी व्हावी, यासाठी प्रार्थना, असं ट्विट पंतप्रधान मोदी यांनी केलं आहे.
          दरम्यान, आगीच्या या घटनेमागे घातपात तर नाही ना? असा संशय विरोधकांनी व्यक्त केला आहे.