आज अर्नब गोस्वामी प्रकरणी सुप्रीम कोर्टाने महाराष्ट्र सरकार व अभिनेत्री कंगना रनौतच्या प्रकरणी मुंबई उच्च न्यायालयाने मुंबई महापालिकेच्या कारवाई वर प्रश्नचिन्ह उपस्थित केल्यानंतर महाआघाडी सरकार वर विरोधकांनी जोरदार टीका केली.
           कोर्टांच्या निर्णयानंतर महाराष्ट्राचे माझी मुख्यमंत्री व विरोधीपक्षनेते मा. देवेन्द्र फडणवीस यांनी याबाबत ट्विट करून विचारले कि, आता प्रश्न असा आहे की, सर्वोच्च न्यायालय आणि उच्च न्यायालयाला सुद्धा हे ‘महाराष्ट्रद्रोही‘ ठरविणार का?
           मा. देवेन्द्र फडणवीस यांनी ट्विटवरून टीका करताना लिहले आहे कि,”सत्तेतील नेते सत्तांध झाल्याने ज्या घटना अलीकडच्या काळात महाराष्ट्रात घडल्या, त्यावर सर्वोच्च न्यायालय आणि उच्च न्यायालयाचे निकाल ही सरकारला सणसणीत चपराक आहे. सरकारविरोधी निघणारा प्रत्येक आवाज हा अशाप्रकारे चिरडून टाकता येत नसतो, हे आता तरी त्यांनी लक्षात घ्यावे! आपल्या देशात लोकशाही व्यवस्था आहे, याचा विसर या राज्य सरकारला पडला. पोलिस, फौजदारी कायदे हे जनतेच्या संरक्षणासाठी असतात, त्यांच्या छळवणुकीसाठी नाहीत, हे जर न्यायालयांना सांगावे लागत असेल, तर आपली सदसदविवेक बुद्धी-संविधानाला स्मरून घेतलेली शपथ गहाण ठेवली का,हा प्रश्न निर्माण होतो. एकाच दिवशी देशातील दोन न्यायालयांचे निकाल एकप्रकारे सरकारच्या वर्षभरातील कामगिरीचा सार सांगणारेच आहेत. आता प्रश्न असा आहे की, सर्वोच्च न्यायालय आणि उच्च न्यायालयाला सुद्धा हे ‘महाराष्ट्रद्रोही‘ ठरविणार का?”