कालच जिल्हा आढावा बैठकी निमित्त अहमदनगरच्या दौऱ्यावर असलेले अहमदनगरचे पालकमंत्री मा.हसन मुश्रीफ यांची करोना टेस्ट पॉझिटिव्ह आली असून तशी महिती त्यांनी ट्विटरवर दिली आहे. तसेच त्यांनी संपर्कात आलेल्या व्यक्तींनी स्वतःची तपासणी करून घ्यावी असा सल्ला दिला आहे.

           कालच पालकमंत्री मा.हसन मुश्रीफ यांनी जिल्हाधिकारी कार्यालय येथे करोना अनुषंगाने बैठक घेतली. या बैठकीमध्ये आमदार मा.संग्राम जगताप, महापौर मा.बाबासाहेब वाकळे, जिल्हा परिषद अध्यक्ष सौ. राजश्री घुले यांच्यासह जिल्हाधिकारी श्री.राहुल व्दिवेदी, पोलीस अधीक्षक श्री.अखिलेश कुमार सिंह, महापालिका आयुक्त श्री.श्रीकांत मायकलवार, जिल्हा परिषदेचे प्रभारी मुख्य कार्यकारी अधिकारी श्री.जगन्नाथ भोर आदी उपस्थित होते. तसेच बैठकीनंतर त्यांनी पत्रकार परिषदेत देखील घेतली होती.